जनकपुरधाम।धनुषाको नगराईन नगरपालिकाका सव ईन्जिनियर उमेश मण्डललाई शुक्रबार ५५ हजार रुपैयाँ घुससहित जनकपुरबाट अख्तियारले पक्राउ गरेको छ।
अख्तियार दुरुपयोग अनुसन्धान आयोग बर्दिबासको टोलीले नगराईन नगरपालिकाका सव ईन्जिनीयर उमेश मण्डललाई शुक्रबार साँझ ६ बजे ५५ हजार रुपैयाँ घुससहित नियन्त्रणमा लिएको छ।
मण्डलले काम सम्पन्न भएको योजनाको भुक्तानी गराई दिने वापत जनकपुर अंचल अस्पताल अगाडी एक सेवाग्राहीसंग घुस लिइरहेको बेला पक्राउ गरेको आयोगले जानकारी गराएको छ । उनलाई नियन्त्रणमा लिएर थप अनुसन्धान भइरहेको बताए ।
