जनकपुरधाम। महाराज सागर युवा कमिटीद्वारा कक्षा १२ मा नेपालमा नै उत्कृष्ट नम्बर ल्याएर नेपाल टप गर्न सफल विद्यार्थीलाई सम्मान गरेको छ ।
शनिबार महाराज सागर युवा कमिटीले आयोजना गरेको कार्यक्रममा नेपालमा नै उत्कृष्ट जिपिए ल्याउन सफल जनकपुरकी आचल कुमारी साहलाई उपहार सरुप चान्दीको जानकी मन्दिर र नगर ५१०० सय रुपैया दिएर सम्मान गरेको छ।
सम्मान कार्यक्रममा महाराज सागर युवा कमिटीको अध्यक्ष सरिफुल राइन ,महाबिर युवा कमिटी अध्यक्ष संतोष साह,आरसिएस स्कुलको प्राध्यापक जिबेन्द्र सिंह,मोनु झा,मिथलेश राई,हिमान्सु राज ,गुडु कुमार साह,दिपक महाशेठ,राहुल गुप्त ,पुजा कुमारी साह ,निलम देवि,चन्दा कुमारी कुबरलगाइतले अबिर लगाएर सम्मान गरेका थिए।
कार्यक्रमा साहले एसईई दिएको आरसिएस स्कुलको प्राध्यापक जिबेन्द्र सिंहले भने विद्यार्थीले अरुले बनाएको रेकर्डलाई पढ्ने कि आफुले रेकर्ड बनाउने भन्नेमा प्रस्ट भए अगाडी बढनेमा लक्ष्य हासिल गर्न सकिने बताए ।
त्यसै गरि उत्कृष्ट नम्बर ल्याउन सफल आचल कुमारी साहले विद्यार्थीले लक्ष्य निर्धारण गरेर अध्ययन गरेमा सफल बन्ने बताइन् । जनकपुरको मोडल मल्टिपल क्याम्पसमा अध्ययन गरेकी साहले साइन्स विषयमा कक्षा १२ मा ३.९२ जिपिए ल्यान सफल भएकी हुन।
