न्युजमधेस डेस्क
जनकपुरधाम,३असार।
जनकपुरधाम उपमहानगरपालिका ४ माछा बजारबाट धनुषा प्रहरीले उद्धार गरेका एक युवाको मृत्यु भएको छ ।
सोमबार प्रादेशिक अस्पताल जनकपुरधाममा उपचारको क्रममा उनको मृत्यु भएको प्रहरीले जनाएको छ । उनको परिचय खुल्न सकेको छैन् । सोमबार नै प्रहरीले उनलाई माछा बजारदेखि बसहिया जाने सडक खण्डमा अचेत अवस्थामा फेला पारेको थियो । अन्दाजी ४५ वर्षका उनी रक्सी खाएर लडेका थिए । अचेत अवस्थामा फेला परेका ती पुरुष केही बोल्न सकेका थिएनन् । यद्यपि प्रादेशिक अस्पतालका चिकित्सकले विभिन्न रोगका कारण मृत्यु भएको प्रहरीलाई बताएका छन् । प्रहरीले उनको परिचय नखुलेको हुनाले चिनेका व्यक्तिलाई सम्पर्क गर्न अनुरोध पनि गरेका छन् । प्रहरीका अनुसार उनी मागि खाने जस्तो देखिएको छ ।
