जनकपुरधाम । जिल्ला युवा संजाल धनुषाले अन्तराष्ट्रिय युवा दिवस आज जनकपुरधाममा विभिन्न कार्यक्रम गरि सम्पन्न गरिएको छ।
जिल्ला यूवा संजाल धनुषाले ‘शिक्षामा रुपान्तरण, उद्यमशिलता र नवप्रवर्तन भन्ने नाराका साथ आज अन्तर्राष्ट्रिय युवा दिवस भव्यताका साथ मनाएको छ।
युवालाई सामाजिक विकास र राष्ट्र निर्माणमा अघि बढाउन र युवाको अधिकार स्थापित गराउन दिवस मनाएको संजालका महासचिव कुललिप साहले बताएका छन।
जिल्ला युवा संजाल धनुषाको अगुवाइमा ३६ बटा सरकारी र गैरसरकारी संघसंस्था हरुको सहकार्य चार दिवसीय कार्यक्रम अन्तर्गत आज चौथो दिन बिहान ७ बजे प्रभात फेरी कार्यक्रम जानकी मन्दिर देखि जनकचौक पुगेर कोण सभामा परिनत गरेको थियो।
त्यसैगरी बेलुका ५ बजे लागु पदार्थ दुर्व्यसन सम्बन्धी सडक नाटक, बेलुकी ५:३० बजे कबी गोस्टी र बेलुकी ६:३० बजे मिथिला चित्रकला प्रदर्शनी र साझ ७ बजे दिप प्रज्वलन कार्यक्रम गरि सम्पन्न गरिएका हुन।
यता जिल्ला युवा संजालका अध्यक्ष धिरज साहले भने यो चार दिबसीय कार्यक्रम सफल पार्नमा सहयोग गर्नु भएको सबै सहयोगीलाई हृदय देखि धन्यवाद व्यक्त गरेको छ।
