न्यूजमधेश डेस्क
जनकपुरधाम,१० श्रावण । जनकपुर जेसीजका निवर्तमान पदाधिकारीले संस्थाको रकम आफूखुशी चलाएका छन् ।
जनकपुर जेसीजका निवर्तमान अध्यक्ष र का.उपाध्यक्ष मिलेर संस्थाको लाखौं रकम पचाएको पाइएको छ । निबर्तमान अध्यक्ष मनोज साह र निबर्तमान का .उपाध्यक्ष उपेन्द्र साहले जनकपुर जेसीजमा आर्थिक चलखेल गरेको खुल्न आएको छ ।
उपेन्द्र यसअघि कार्यकारिणी उपाध्यक्ष थिए । तर मनोजसँग मिलेर उपेन्द्रले मेगा बैंकमा खाता खोलेर रकम आफ्नो गोजीमा हालेका छन् ।
जनकपुर जेसीजका कार्य समितिका एक जना सदस्यले नाम नबताउने शर्तमा जनकपुर जेसीजको नाममा मेगा बैंकमा खाता खोली खाताबाट सहयोगको नाममा रकम जम्मा गर्न लगाई आफूखुशी निकालेको जानकारी गराएका छन् ।
खातामा रहेको रकमका साथै बिभिन्न व्यक्तिबाट चन्दाको नाममा रकम उठाएर दुबैले आफ्नो गोजीमा हालेको उनको भनाई छ ।
मनोज वर्ष २०२२ का नेपाल जेसीजका राष्ट्रिय उपाध्यक्ष एवं जनकपुर जेसीजका निवर्तमान अध्यक्ष हुन् । उपेन्द्र यस अघि का उपाध्यक्ष भएपनि कोषाध्यक्ष बनेर खाता खोलेका छन् । मनोज नेतृत्वको जेसीज कार्यकालमा आतोष साह कोषाध्यक्ष थिए ।
तर मनोज र उपेन्द्रले गरेको माइन्यूटमा उपेन्द्रलाई कोषाध्यक्ष भनिएको छ । त्यहीं आधारमा दुबैले मेगा बैंकमा खाता खोलेर आफू अनुकुल आर्थिक कारोबार गरिरहेको जेसीजका एक सदस्यले बताएका छन् ।
दुबैले गरेको अनियमितता छानबिन हुनुपर्ने जेसीजका सदस्यले माग गरेका छन् ।
