न्युजमधेस डेस्क
जनकपुरधाम,११ साउन।
मधेश प्रदेशका सभासद उपेन्द्र महतोले मधेश प्रदेशका मुख्यमन्त्री मोहम्मद लालबाबु राउत गद्दीको नेतृत्वमा एक डेढ़ दर्जनको टोली यूरोप किन जाँदैछन् र को–को जाँदैछन् भन्ने प्रश्न उठाएका छन् ।
लोकतान्त्रिक समाजवादी पार्टी(लोसपा)का सभासद महतोले कार्यकाल सकिनै लाग्दा स्विटजरलेण्डको संघीयताको मोडेल अध्ययनका लागि नभई घुम्न र प्रदेशको पैसा स्वाहा गर्न मात्र जान लागेको आरोप लगाएका छन् । प्रदेशमा ५ वर्षमा कुनै कार्यालयको खर्च गर्ने तरिका र भुक्तानी गर्ने प्रणाली समेत व्यवस्थित गर्न नसकेको लालबाबु सरकार बिदा हुनलाग्दा केही सिक्न नभई आफ्नो कार्यकालमा आफ्नो भ्रष्टाचारलाई मलजल र ढाकछोप गर्नेलाई खुशी पार्न र पुरस्कृत गर्न जनताको पसिनाबाट उठेको करले रजाई गर्न मात्र जानलागेको उनले आरोप लगाएका छन् ।
