कमल मण्डल ,राजविराज ।सप्तरीमा प्रहरीले चलाएको मोटरसाइकलबाट ठक्कर दिदा एक साइकल यात्रीको मृत्यु भएको छ। मृत्यु भएमा सप्तरीको अग्निसाइर कृष्णासवरण गाउँपालिका वडा नं. १ घोघिदह बस्ने वर्ष ६५ को मोतिलाल चौधरी हुन।
सुनसरीको इनरुवा नगरपालिका २, कुसुमगाछि बस्ने वर्ष ३० को प्रहरी रोशन थापा को३४प ८३३७ नम्बरको मोटरसाइकलले ठक्कर दिएको हो । थापा इलाका प्रहरी कार्यालय भारदहमा कार्यरत प्रहरी जवान रोशन रहेका छन।
पूर्व जाँदै गरेको थापा सवार मोटरसाइकलले अग्निसाइर कृष्णासवरण गाउँपालिका १, जण्डौलमा सडकमै रहेको गाईलाई ठक्कर दिएपछि अनियन्त्रित भएर साइकलयात्रीलाई ठक्कर दिएको इलाका प्रहरी कार्यालय कञ्चनपुरले जनाएको छ ।
मोटरसाइकलको ठक्करबाट घाइते भएका चौधरी र गाई दुवैको घटनास्थलमै मृत्यु भएको इलाका प्रहरी कार्यालय कञ्चनपुरका इन्स्पेक्टर मकेन्द्र मिश्रले बताए । थापालाई प्रहरीले नियन्त्रणमा लिएको छ ।
