न्युजमधेस डेस्क
महोत्तरी,१८ साउन। जिल्लाको गौशाला नगरपालिका – ४ सुर्तिविकास नजिक ट्रकको ठक्करबाट मोटरसाईकल चालकको मृत्यु भएको छ भने एक जना गम्भिर घाइते भएका छन् । मृत्यु हुनेमा गौशाला नगरपालिका वडा नम्बर ४ रजखोर बस्ने दिलिप सहनी रहेको प्रहरीले जनाएको छ ।
गौशाला नगरपालिका वडा नम्बर ४ सुर्तिविकास नजिक आज(बुधबार) बिहान करिव ८ बजेको समयमा सुर्तिविकासमा ट्रकले मोटरसाइकललाइ ठक्कर दिदा मोटरसाइकल चालक सहनीको टाउकोमा घम्भिर चोट लागि घाइते भएको थियो । घाइते सहनी लाई उपचारका लागि जनकपुरधाम स्थित रहेको प्रादेशिक अस्पतालमा उपचारको क्रममा मृत्यु भएको छ ।
सुर्तिविकास नजिक रहेको एप्पल एकेडेमी बोडिंग स्कुलमा सहनी आफ्नो बच्चालाई पुर्याउन गइरहेको क्रममा सुर्तिबिकास नजिक बाटोमा रहेको गोलचक्कर नजिक माईस्थानबाट गौशाला तर्फ जादै गरेका ना.४ ख. ३३३९ नम्बरको छड लोड भएको ट्रकले सहनीको अन टेस्ट डिस्कोभर मोटरसाइकललाई ठक्कर दिदा दुर्घटना भएको थियो । दुर्घटनामा सहनीका बच्चा सामान्य घाइते भएका छन् ।
सहनीको मोटरसाइकललाई ठक्कर दिने ट्रक र चालक इलाका प्रहरी कार्यालय गौशालाको नियन्त्रणमा रहेको छ ।
