३१ आषाढ २०८१, सोमबार
15-07-2024 , Mon
×

रोटी-बेटीको सम्बन्ध रहेको नेपाल-भारत सिमानामा `काटा´ नलगाउन धारणा

Logo
प्रकाशित आइतबार, साउन २२, २०७९

 

न्युजमधेस डेस्क
जनकपुरधाम, २२साउन।
जनकपुरमा आयोजित एक कार्यक्रममा नेपाल भारतबीचको खुल्ला सिमानालाई अझै व्यवस्थित र सहज बनाउन वक्ताहरुले धारणा व्यक्त गरेका छन् ।

नेपाल-भारत खुल्ला सीमाना संवाद समूहले शनिबार जनकपुरमा आयोजना गरेको ‘बद्लिँदो परिबेसमा नेपाल भारत सम्बन्ध’ विषयक अन्तरक्रिया कार्यक्रममा सहभागीले यस्तो धारण राखेका हुन् ।

कार्यक्रममा नेपाल भारत खुला सीमा संवाद समूहका अध्यक्ष राजीब झाले परापूर्व कालदेखि नेपाल र भारतबीच रोटी-बेटीको सम्बन्ध रहेको भन्दै यी दुई देशको सिमानामा तारबार लगाउन नहुने बताए ।

दुई देशका सरकारबीच मात्र नभई दुई देशका नागरिकबीच आर्थिक सामाजिक, सांस्कृतिक सम्बन्ध रहेको बताउँदै अध्यक्ष झाले तारबार लगाउनु भन्दा सिमानालाई व्यवस्थित र मर्यादित बनाउनुपर्ने बताए ।

‘सामाजिक, सांस्कृतिक, धार्मिक, भाषिक रहनसहन र रीतिरिवाज एक नासको रहेको छ,’ अध्यक्ष झाले भने, ‘यसलाई अझ बलियो बनाउन दुवै देशका सरकारका साथै दुवै देशका नागरिकको भूमिका महत्त्वपूर्ण छ ।

नेपाल-भारतबीच १ हजार ८ सय ८० किलोमिटर लामो सीमा रेखा रहेको अध्यक्ष झाले बताए। कार्यक्रममा तराई मधेश लोकतान्त्रिक पार्टीकी नेतृ बीभा ठाकुरले नेपाल र भारतको रामायणकालदेखि वर्तमानसम्म अटुट सम्बन्ध रहेको बताइन् ।

दुई देशका जनताबीच सौहार्दपूर्ण सम्बन्धकै कारण समाजमा विवाह जस्तो पवित्र सम्बन्ध गासिने चलन पौराणिककालदेखि हुँदै आएको उल्लेख गर्दै नेतृ ठाकुरले भनिन्, ‘विवाहमा उपहार स्वरुप बनाउने समानहरुलाई सिमानामा सहज रुपमा ओहरदोहरको व्यवस्था हुनुपर्छ ।’

 

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]