न्यूजमधेश डेस्क
काठमाडौँ ,२२ श्रावण । नागरिकताविहीन संघर्ष समिति नेपालले पुन मतदाता नामवली संकलन गर्न माग गर्दे प्रमुख निर्वाचन आयुक्तलाई ज्ञापन पत्र बुझाउको छ ।
नागरिकताविहीन संघर्ष समितिका राष्ट्रिय अध्यक्ष ई इन्द्रजित साफी सहितको टोलीले प्रमुख निर्वाचन आयुक्त दिनेशकुमार थपलियालाई ज्ञापन पत्र बुझाएको हो ।
ज्ञापनपत्रमा संसद्का दुवै सदनबाट पारित भएको नागरिकता विधेयक प्रमाणीकरणका लागि राष्ट्रपति कार्यालय शीतल निवास पुगेको हुदाँ प्रमाणीकरण पछि लाखौ नागरिकले नागरिकता पाउने हुदाँ पुन मतदाता नामावली संकलन गर्न माग गरिएको छ ।
ज्ञापनपत्रमा लाखौ नेपालीको मतदानको अधिकार सुनिश्चित गर्न पनि अनुरोध गरिएको छ । संघर्ष समितिले आजै नागरिकता विधेयक छिटो प्रमाणीकरण गरिदिन आग्रह गर्दे राष्ट्रपति कार्यालयमा पनि ज्ञापनपत्र बुझाएको छ ।
