न्यूजमधेश डेस्क
काठमाडौं,२९ श्रावण । म्यानचेस्टर युनाइटेडले प्रिमियर लिगमा लगातर हार बेहोरेको छ।
शनिबार ब्रेन्टफर्डको मैदानमा सम्पन्न खेलमा युनाइटेड ४-० ले पराजित भएको हो।
खेलको दशौं मिनेटमा जोस डा सिल्भाले गोल गर्दै घरेलु टोलीलाई अग्रता दिलाए। १८औं मिनेटमा माथिअस जेन्सनले अग्रता दोब्बर पारे।
३०औं मिनेटमा बेन मीले गोल गर्दै अग्रता ३-० को बनाए । त्यसको ५ मिनेट नबित्दै ब्रायन एम्बुएमोले गोल गर्दै ४-० को जित दिलाए।
पहिलो खेलमा युनाइटेड ब्राइटनसँग २-१ ले पराजित भएको थियो। ब्रेन्टफर्ड ३ खेलमा ४ अंकसहित तेस्रो स्थानमा उक्लिएको छ।
