न्यूजमधेश डेस्क
जनकपुरधाम,४ भाद्र।मधेश प्रदेशका बारामा अबैध लागू औषधसहित २ जना भारतिय नागरिकलाई प्रहरीले नियन्त्रणमा लिएको छ।
शनिबार कलैया उपमहानगरपालिका-२० गण्डक नहरस्थित बिहान प्रहरीले चेकजाँच गर्ने क्रममा उनीहरु नियन्त्रणमा लिएका हुन।
भारत बिहार मोतिहारी जिल्ला महुअवा थाना कोरैया – १ का ३२ वर्षीय चन्दन मिश्रा र २५ वर्षीय धर्मजित कुशवाहालाई बारा प्रहरीले नियन्त्रणमामा लिएको हो ।
प्रहरी चौकी बसतपुर बाराबाट खटिएको प्रहरी टोलीले चेकजाँचको क्रममा भारत तर्फबाट मोटरसाइकलमा आएका उनीहरुलाई पिठ्युमा बोक्ने झोलाभित्र लुकाई छिपाई ल्याएको अवस्थामा अवैध लागू औषध डाइजेपाम ६०० पिस, फेनारगन ६०० पिस र नुर्फिन ६०० पिस तथा नाइट्राभेट १ लेखिएको ट्याबलेट ३०० पिस सहित फेला पारेको हो ।
अवैध लागू औषध, भारतीय बिआर ३० आर ९३९१ नम्बरको मोटरसाइकलसहित नियन्त्रणमा लिइ उनीहरुलाई जिल्ला प्रहरी कार्यालय ल्याएर थप अनुसन्धान कार्य भइरहेको प्रहरी नायब उपरीक्षक प्रहरी प्रवक्ता राजेश थापाले बताए ।
