न्यूजमधेश डेस्क
जनकपुरधाम,६ भाद्र । धनुषाको औरही गाउँपालिकास्थित हुलाकी राजमार्गमा एक पालिकाको गाडीले दिएको ठक्करबाट एक जना मोटरसाइकल चालक गम्भीर घाइते भएका छन् ।
प्रदेश–२–०२ ००१ झ ००४२ नम्बरको विदेह नगरपालिकाको गाडीले ठक्कर दिँदा ज.१२प ८६६३ नम्बरको मोटरसाइकल चालक औरही गाउँपालिकाको पोखरभिरा निवासी २७ बर्षीय पुरन मण्डल घाइते भएका हुन् ।
गम्भीर घाइते भएका मण्डललाई उपचारका लागि प्रादेशिक अस्पताल जनकपुरधाम लगिएको धनुषा प्रहरीका प्रबक्ता एवं डीएसपी प्रदीपबहादुर क्षेत्रीले जानकारी दिए ।
जनकपुरधामबाट जाँदै गरेको उक्त गाडीले विपरित दिशातर्फ आउँदै गरेका मण्डल सबार मोटरसाइकललाई ठक्कर दिएको हो । गाडीमा विदेह नगरपालिकाकी उप मेयर सबार थिइन् ।
