न्यूजमधेश डेस्क
सप्तरी,७ भाद्र । जिल्लाको बलान विहुल गाउँपालिका–४ बेल्हीमा स्थानीय र प्रहरीबीच झडप भएको छ । तस्करी गरी ल्याएको सामग्री नियन्त्रणमा लिन खोज्दा प्रहरी र तस्कर समूहबीच झडप भएको हो ।
प्रहरीले झडपलाई नियन्त्रणमा लिने क्रममा तीन राउण्ड हवाइ फायर गरेको छ । तस्करीको सामग्री लुकाएको आशंकामा मंगलबार दिउँसो प्रहरीले घर खानतलासी गर्न पुगेका थिए ।
तर, स्थानीयले घर खानतलासीमा अवरोध गर्दा प्रहरीसँग विवाद भएको थियो । सप्तरीका डीएसपी माधवप्रसाद काफ्लेका अनुसार उक्त झडपमा केहि प्रहरी र स्थानीय घाइते भएका छन् ।
तस्करीका के कस्तो सामग्री बरामद गरियो ? भन्ने विषयमा अनुसन्धान भइरहेको प्रहरीले जनाएको छ ।
