न्यूजमधेश डेस्क
साघारा,८ भाद्र।पतंजली योग समिती धनुषाको अध्यक्षमा संजित यादव चयन भएपछि गृहवडामा स्वागत गरिएको छ।
गत शनिबार पतंजली योग समितीका केन्द्र ,प्रदेश र जिल्लाको संयुक्त बैठकमा कमला नगरपालिका ४ का योग गुरु संजित यादवलाई धनुषा जिल्लाको अध्यक्ष पदमा चयन गरेका थिए।
पतंजली योग समिती सघाराका अध्यक्ष प्रविन साहको अध्यक्षतामा राआयोजित स्वागत तथा सम्मान कार्यक्रममा जिल्ला अध्यक्ष यादवलाई फुलमाला र अबिर लगाएर योग साध्क र साधिकाहरुले स्वागतगर्दै उनलाई सम्मान गरेको हो ।
योग समिती सघाराका योग गुरुसमेत रहेका यादवलाई जिल्ला अध्यक्षको जिम्मेवारी दिएपछि कमला नगरपालिकासहित यस क्षेत्रका योग शाध्क र शाधिकाहरु खुशी व्यक्त गर्नुभएको छ।
कमला नगरपालिका वडा नम्बर ४ का निर्वाचित वडा सदस्य अमोद मरिकले अध्यक्ष यादवलाई शुभकामना दिदै उनको कार्यकाल सफलको कामनासमेत गर्नुभयो।
कार्यक्रमलाई सम्बोधन गर्दै अध्यक्ष यादवले कार्यक्रममा सहभागीहरुलाई ॐ शब्दको उचारण गरेर धन्यवाद दिदै उनले जिल्लाको प्रत्येक टोल टोलमा पतंजली योग समिती गठन गरि योग शिविर संचालन गर्ने प्रथम उद्देश्य रहेको उनले बताए।
आफुलाई जिल्ला अध्यक्ष जस्तो मर्यादित पदको जिम्मेवारी दिनुनै सोभाग्यको रहेको उनले भने ।विगत लामोसमयदेखि आफू जिल्लाको विभिन्न योग शिविरहरुमा सहभागी हुँदै आइरहेको उनले बताए।अब हाम्रो टिमले जिल्लाका प्रत्येक नगरपालिका ,गाउँपालिका ,वडा हुँदै टोल टोल योग अभियान चलाउने उनले भन्नुभयो।
अध्यक्ष यादवले भने, “कमला किनारमा रहेको गाउँ भलुवाहा,सघारा,बरेर्वा,टरिया र लक्कर जस्ता विकट गाउँहरुको नाउँ अहिले पनि धेरै जना जान्दैन ।यस्ता विकट गाउँमा आफ्नो जन्म भएको हो ।जस्को नाउँ छ भलुवाहा ।हामी जस्ता व्यक्तिलाई एउटा जिल्लाको जिम्मेवारी दिनु भन्दा खुशी अरु केही हुदैनन् ।आफू धैर खुशी रहेको उनले बताउनुभयो।”
