न्यूजमधेश डेस्क
सघारा,९ भाद्र। अवैध रुपमा नदीजन्य बालुवा उत्खनन गरी नेपालबाट भारत ओसार–पसारमा प्रयोग भइरहेको भारतिय ट्याक्टर सशस्त्र प्रहरीले नियन्त्रणमा लिएको छ ।
फाइल फोटो
धनुषाको जनकनन्दिनी गाउँपालिका -१ इनर्वास्थित कमला नदिबाट अवैध रुपमा नदीजन्य बालुवा उत्खनन गरेर भारत तर्फ लगिरहेको अबस्थामा नम्बर नखुलेका भारतिय ट्याक्टरलाई प्रहरीले नियन्त्रणमा लिएका हुन।
नदीबाट अवैध रुपमा बालुवा उत्खनन गर्दै ओसारपसार गरिरहेको सुचनाको आधारमा सशस्त्र प्रहरी बल ईनर्वाबाट खटिएको प्रहरीको टोलीले भारततर्फ लैजाँदै गरेको बालुवा सहितको भारतिय ट्याक्टर दिउँसो करिब २ बजे दसगजा क्षेत्रबाटै नियन्त्रणमा लिएर कारबाहीका लागि भन्सारमा बुझाइएको सशस्त्र प्रहरी बल ईनर्वाका इन्चार्ज सन्जु खत्रीले जनाएको छ।
