न्यूजमधेश डेस्क
सघारा,१२ भाद्र।धनुषाको कमला नगरपालिकाको ग्रामीण क्षेत्रको वाटो जिर्ण भएपछि स्थानियहरुलाई आवत जावत गर्नमा कठीनाई उत्पन्न भएको छ ।
नगरपालिकाको वार्ड नं ४ देखि ५ जाने बाटोमा खाल्डाखुल्डीकै कारण सवारी साधनलाई आवतजावतमा समस्या भैरहेको स्थानीय सन्तोष ठाकुरले बताए।
कमला नगरपालिकाका मेयर विशेश्वर यादवको घर लक्कर जाने बाटोसमेत रहेका बरेर्वा – टरिया जाने सडक खण्ड अन्तर्गत रहेका सडकमा जताततै खाल्डाखुल्डीको कारण दिन्हु दुर्घटना भैरहेको कमला नगरपालिका वडा नम्बर ५ का स्थानीय युवा संजिव यादवले बताए।
विगत ५ वर्षदेखी बरेर्वा,टरिया,लक्कर ,सखुवा र मडानका सर्वसाधारण जनतालाई सडक मर्मत नहुदा आवतजावतमा निकै समस्या भैरहेको छ।नगरपालिकाको कार्यलय ,बैंक ,हाटबजार जाने मुख्य बाटोको रुपमा यो बाटो रहेको छ।
गत वर्ष वर्षाको पानीले बाटो भत्काएको थिए।सो ठाउँमा नगरपालिकाले करिब १० लाख खर्ज गरेर सडक बनाएपनी खाल्डाखुल्डी अहिलेसम्म भरेको छैन।तर, कमला नगरपालिकाका मेयर विशेश्वर यादवको नजर यहाँसम्म पुगेको छैन ।जबकी मेयर यादवको घर जाने बाटोपनि उहीँ रहेको छ।
मेयर यादवले आफ्नै झण्डा बाला गाडीमा बसेर ५-६ किलोमीटर घुमेर कमला नगरपालिका ५ लक्करको बौकु टोल जाने गर्छ।तर यो बाटो मर्मतसम्भार गरेपछि २-३ किलोमिटर मात्रै पर्ने स्थानीयबासीले बताउँछ ।
