न्यूजमधेश डेस्क
नवलपरासी ,१२ भाद्र।नेपाली कांग्रेसका युवा नेता संतोष गिरिसहित विभिन्न पार्टीका दुई सय नेता/कार्यकर्ताहरु जनमत पार्टीमा प्रवेश गरेका छ्न ।
जनमत पार्टी नवलपरासीले आयोजना गरेको अगुवा नेता कार्यकर्ता भेटघाट तथा प्रशिक्षण कार्यक्रममा नेपाली कांग्रेसका नेता गिरिसहित विभिन्न पार्टी परित्याग गरि २ सय नेता कार्यकर्ता जनमत पार्टीमा प्रवेश गरेका हुन।
उनिहरुलाई कार्यक्रमको प्रमुख अतिथीसमेत रहेका जनमत पार्टीका राष्ट्रिय अध्यक्ष डा.सीके राउतले फुलमाला र अबिर लगाएर पार्टीमा प्रवेश गराएको पार्टीका केन्द्रिय सदस्य बाल गोबिन्द चौधरीले जानकारी दिएको छ।नव प्रवेशीहरुलाई जनमत पार्टीको सदस्यतासमेत अध्यक्ष राउतले दिएको छ।
जनमत पार्टी नवलपरासी जिल्ला इन्चार्ज शरदा कुमारी चौधरीकी अध्यक्षतामा भएकी कार्यक्रममा पार्टीका राष्ट्रिय सचीव भोपेन्द्र प्रसाद यादव ,केन्द्रिय सदस्य बाल गोबिन्द चौधरी ,शैलेश कुमार चौधरीको उपस्थितिमा कार्यक्रम भएको हो।उक्त कार्यक्रम दिपक गुप्ताले संचालन गरेका थिए।
