न्यूजमधेश डेस्क
कपिलवस्तु ,१३ भाद्र। जसपा र लोसपाका नेताहरू जनमत पार्टीमा प्रवेश गरेका छन् ।
कपिलवस्तुको तौलिहवामा सोमबार आयोजित एक कार्यक्रममा जसपाको अनुशासन आयोगका राष्ट्रिय अध्यक्ष नरसिंह चौधरी र लोसपाका केन्द्रिय सदस्य राजेन्द्र गुप्तासहितका नेताहरु जनमत पार्टीमा प्रवेश गरेका हुन।
उनी नेपाल सद्भावना पार्टीका पूर्व राष्ट्रिय उपाध्यक्ष तथा संविधानसभा सदस्य गुप्तासमेत हुन् ।
त्यस्तै जसपाका केन्द्रिय सदस्य तथा लुम्बिनी सांस्कृति नगरपालिकाका पूर्वमेयर मनमोहन चौधरीसहित दर्जनौँ नेता कार्यकर्ता आफूहरूको पार्टीमा आएको जनमत पार्टीका नेता बीपी साहले जानकारी दिए ।
जनमत पार्टीले अगुवा नेता कार्यकर्ता भेला तथा निर्वाचन केन्द्रित कार्यक्रमलाई तीव्रता दिएको नेता साहले बताए । नेता साहले भन्नुभयो,’जनमत पार्टी मात्रै मधेशको कल्याण गर्ने हेतु मधेशको हकहितको लागि सोच्ने नेताहरु यस पार्टीमा प्रवेश गर्ने लहर चलेको छ।’
पटकपटक मधेशको नाउँमा राजनीति रोटि सेक्दै आएका पार्टीहरुको आउने प्रदेश र प्रतिनिधि सभाको चुनावमा जनताले पकै देखाउने पार्टीका केन्द्रिय सचीव भोपेन्द्र प्रसाद यादवले बताए।
