न्यूजमधेश डेस्क
जनकपुरधाम ,१४ भाद्र। लोकतान्त्रिक समाजवादी पार्टी (लोसपा) र जनता प्रगतिशील पार्टी नेपालबीच आसन्न आम निर्वाचनमा गठबन्धन गर्ने निर्णय भएको छ ।
मंसिर ४ गते हुने आम निर्वाचनमा जनता प्रगतिशील पार्टीसँग गठबन्धन गर्ने सहमती भएको लोसपा प्रमुख सचेतक तथा वार्ता समितिका संयोजक उमाशंकर अरगरियाले जानकारी दिए ।
गठबन्धन गर्ने सहमती पत्रमा लोसपाको तर्फबाट वार्ता समिति संयोजक अरगरिया, सदस्यहरु केशव झा र डा. सुरेन्द्र कुमार झा तथा जनता प्रगतिशी पार्टीको तर्फबाट वार्ता समिति संयोजक डा. शिवजी यादव र सदस्य बाबा सरकार श्रेष्ठ हस्ताक्षर गरेका छन् ।
लोसपाले आसन्न निर्वाचनमा एजेण्डा मिल्ने मधेसी दलहरुसँग गठबन्धन तथा सहकार्यका लागि पूर्वमन्त्री समेत रहेका अरगरियाको संयोजकत्वमा वार्ता समिति बनाएको थियो । वार्ता समिति संयोजक अरगरियाले अन्य मधेसी दलसँग पनि गठबन्धन गर्न सकिने र त्यसका लागि छलफल चलिरहेको जानकारी दिए ।
