न्यूजमधेश डेस्क
जनकपुरधाम,१५ भाद्र।मधेश स्वराज आन्दोलनका प्रथम सहिद रामम्नोहर यादवको स्मृति दिवसको अवसरमा विभिन्न कार्यक्रम गरि मनाइएको छ।
डा.सीके राउत नेतृत्वको जनमत पार्टीले प्रहरी हिरासतमा मारिएका तत्कालीन स्वतन्त्र मधेश गठबन्धनका नेता राममनोहरको स्मृति दिवस बुधबार श्रद्धाञ्जली सभासहित विभिन्न कार्यक्रम गरि मनाएको हो।
सहिद यादवको सम्झनामा जनमत पार्टी बाँकेले उनकै गृहपालिका जानकी गाउँपालिकाको पिपरहवा चौकमा श्रद्धाञ्जली सभाको आयोजना गरिएको थिए।सो कार्यक्रममा जनमत पार्टीका राष्ट्रिय अध्यक्ष डा.सीके राउतको प्रमुख आतिथ्यमा सम्पन्न भएको छ।
उक्त कार्यक्रममा सहिद यादवको आमा,भाइ,छोरासहित उनको परिवारजनलाई सम्मान गरेको हो।
सहिद यादवको सम्झनामा जनमत पार्टी बुधबार जनकपुरधामस्थित पार्टीका केन्द्रिय सचिवालयसहित मधेशभरका जिल्लाहरुमा स्वराज आन्दोलनका प्रथम सहिद यादवको सम्मान एवं सम्झनामा मैनवत्ती प्रज्वलन गरिएको छ।
जनमत पार्टीका केन्द्रिय सचिव अनिता साहले सहिद राममनोहरको श्रद्धाञ्जली दिदै भनिन् ,जनमत पार्टीले सहित राममनोहर यादवको सपना पूरा गर्नको लागि कुनै कसर बाँकी नछाड्ने उनले बताइन् ।
तत्कालीन संघिय समाजवादी फोरम तथा अहिलेको जनता समाजवादी पार्टी नेपालका अध्यक्ष उपेन्द्र यादवलाई गत २०७५ भाद्र ७ गतेको बर्दियामा कालो झण्डा देखाएपछी उनकै आदेशमा पक्राउ परेका यादवलाई भाद्र १५ गते आजैको दिन प्रहरी हिरासतमै शंकास्पद मृत्यु भएको थियो।
