जनकपुरधाम।गुणस्तरहिन काम गरेको भन्दै समाजिक संजालमा स्टेटश लेखेपछि एक युवकमाथि मरनासन्न गरि कुटपिट गरिएको छ ।
धनुषाको जनकनन्दनी गाउपालिका वार्ड नं ४ का २३ वर्षिय जयनाथ पण्डीतमाथि आइतवार साझमा गाउकै उपभोक्ता समितिका अध्यक्ष लगायतका १५ जनाका समुहले अचानक आक्रमण गरेर कुटपिट गरेपछि गम्भीर घाइते भएका छन ।
आइतवार नै जनकपुरधाम अंचल अस्पतालमा भर्ना गरिएका घाइते पण्डीतको टाउको मा बढि चोट लागेकोले सोमवार उनलाई धरान रेफर गरिएको छ । आइतवार पण्डीतले आफुले चलाउदै आएको फेसवुक पेज खजुरी डटकममा बजार सेट निमार्ण भएको एक महिनामा नै भत्किएको भन्दै केहि तस्वीरहरु अपलोड समेत गरेका थिए ।
सोहि विषयलाई रिसीवी बनाएर सो सेट बनाउने उपभोक्ता समितिका अध्यक्ष अशोक मण्डल,राजपाका धनुुषा जिल्ला उपाध्यक्ष सुनिल मण्डल ,सचिन मण्डल ,वृक्षा मण्डल लगायतका डेढ दजर्न समुहले आफु एक्लै भएको समयमा घेरेर निर्घात कुटपिट गरैको घाइते पण्डीतले वताए ।
यता कुटपिट गर्ने मध्ये अशोक मण्डल र सुनील मण्डललाई इलाका प्रहरी कार्यालय खजुरीले पक्राउ गरेको जनाइएको छ । घटनाको विषयमा छानवीन भइरहेको इलाका प्रहरी कार्यालयका प्रहरी निरिक्षक शंकर चौधरीले वताए ।
