न्यूजमधेश डेस्क
जनकपुरधाम ,१८ भाद्र। धनुषाबाट प्रतिबन्धित लागु औषधसहित दुई युवक पक्राउ परेका छन्।
पक्राउ पर्नेमा धनुषाको सबैला नगरपालिका ४ बिनटोलका २१ वर्षीय राजकिशोर मुखिया र २२ वर्षीय शत्रुधन यादव रहेको जिल्ला प्रहरी कार्यलय धनुषाले जानकारी दिए।
ईलाका प्रहरी कार्यलय खजुरीका प्र.नि निरंजन घिमिरे र सशस्त्र प्रहरी बल बिओपि महिनाथपुरबाट सशस्त्र प्रहरी निरीक्षक गणेश दत्त पाण्डेको संयुक्त नेतृत्वमा खटिएको टोलीले विदेह नगरपालिका वडा नं.१ महिनाथपुरस्थित भारतबाट पैदल नेपालतर्फ आउँदै गरेका दुबैजनालाई शंकाको आधारमा चेकजाँच गर्दा DIALEX-DC -2 (दुई) बोतल र (NITRAZEPAM TABLETS IP (NITRAVAT-10) -20(बीस) पत्तामा ३०० वटा ट्याब्लेट बरामद भएको प्रहरीले बताए।
यस सम्बन्धमा थप अनुसन्धान भइरहेको जिल्ला प्रहरी कार्यलय धनुषाले बताए।
