न्यूजमधेश डेस्क
राजविराज ,१ असोज ।सप्तरीको तिलाठी कोईलाडी गाउँपालिका अन्तर्गतका वडाहरुमा विभिन्न कार्यक्रम गरि डेंगु रोग सम्बन्धि जनचेतनामुलक कार्यक्रमकाे तिब्रता दिदै छन् ।
साेहि गाउँपालिकाका जनप्रतिनिधि र स्वास्थ्य शाखाका कर्मचारी बीच गत मंगलबार भएको बैठककाे निर्णय अनुसार साे कार्यक्रम आयाेजना गरेकाे हाे ।
गाउँपालिका भरि लाउडस्पिकरसहित वडा, विद्यालय र स्वास्थय संस्थामा ब्यानर झुन्डियाउनुकासाथै आर आर टि टिम परिचालन गरि जनचेतना सम्बन्धि कार्य गरिरहेकाे गाउँपालिकाका स्वास्थ्य निरिक्षक दिपक कुमार मण्डलले जानकारी दिए ।
साेहि अन्तर्गत बुधवार वडा नम्बर २ लाैनियाँमा, स्वास्थ्य चाैकी इन्चार्ज सञ्जय ठाकुरकाे नेतृत्वमा स्वास्थ्यकर्मी, जनप्रतिनिधि, महिला स्वयंसेवीका, स्वास्थ्य व्यवस्थापन समिति र स्थानीयहरु सहितकाे टाेलीले टाेलमा घर दैलाे गर्दै आफ्ना वरिपरी सरसफाई राख्न र पानी जम्न नदिन, लार्भा नष्ट गर्ने सहितका डेंगुबाट बच्ने उपायहरुबारे जनचेतनामूलक जानकारी दिइएको वडा अध्यक्ष कमल कुमार मण्डलले बताए ।
उच्च ज्वरो आउने, वाकवाकी लाग्ने, जोड्नी र मांसपेशीहरु दुख्ने, आँखाको गेडाहरु दुख्ने, टाउको दुख्ने, वान्ता आउने लगायतका डेंगु रोगका लक्षण भएको जनचेतनामूलक कार्यक्रममा स्वास्थ्यकर्मी युवनारायण मण्डलकाे भनाइ थियो ।
उनका अनुसार डेंगु ज्वरोबाट बच्न लामखुट्टेको टोकाइबाट बच्नुका साथै लामखुट्टेको बृद्धि रोक्नु आवश्यक छ । यसका लागि पानी जम्न सक्ने भाँडाहरू जस्तै गमला, फुलदान, खाली बट्टा, अलकत्रा वा मट्टितेलका खाली ड्रमहरू, गाडीका काम नलाग्ने टायरहरूमा पानी जम्न दिनुपर्दैन् ।
एडिस जातिका (एजिप्टाइ र अल्बोपिक्टस) पोथी लामखुट्टेको टोकाइबाट संक्रमण हुने भाइरल ज्वरोमध्ये एक डेंगु पनि हो ।
