न्यूजमधेश डेस्क
जनकपुरधाम,५ असोज।सिरहामा जनता समाजवादी पार्टी ( जसपा) नेपालका नेता उपेन्द्र प्रसाद यादवसहित विभिन्न पार्टी परित्याग गरि सयौंको संख्यामा नेताकार्यकर्ताहरु जनमत पार्टी प्रवेश गरिएको छ ।
बुधबार सिरहाको औरहीमा आयोजित चुनावी आमसभा तथा पार्टी प्रवेश कार्यक्रममा जनता समाजवादी पार्टीका नेता उपेन्द्र प्रसाद यादव,काशिम खान,भोगीन्द्र यादव ,नेपाली कांग्रेसका नेता राम आशिष यादव,नेकपा माओवादी केन्द्रका नेता पल्टु मण्डल र मोहन यादवलगाइत विभिन्न पार्टीका सयौं जना जनमत पार्टीमा प्रवेश गरेका हुन।
जनमत पार्टीका राष्ट्रिय अध्यक्ष डा.सीके राउत,उपाध्यक्ष अब्दुल खान ,उपमहासचिव ई.इन्द्रजित यदव र सचीव संजय यादवले नव प्रवेशी नेता कार्यकर्ताहरुलाई फुलमाला र गम्छा ओढाएर पार्टीमा स्वागत गर्नुभएको हो।
