२५ बैशाख २०८२, शुक्रबार
09-05-2025 , Fri
×

बलान बिहुलमा जेष्ठ नागरिकलाई सम्मान

Logo
प्रकाशित शनिबार, आश्विन १५, २०७९

न्यूजमधेश डेस्क
सप्तरी, १५ असोज । सप्तरीको बलान बिहुल गाउँपालिकामा जेष्ठ नागरिकलाई सम्मान गरिएको छ ।

अन्तर्राष्ट्रिय जेष्ठ नागरिक दिवसको अवसरमा पालिका भित्रका जेष्ठ नागरिकहरुलाई सम्मान गरिएको हो ।सो अवसरमा जेष्ठ नागरिकहरुलाई खादा अबिर लगाएर सम्मान गरिएको छ । सम्मानित हुनेहरुमा मजेलाल यादव, मुनिलाल यादव, निर्मल यादव, मुसहरु यादव, गुल्ट साह लगायतका रहेका छन्

उक्त अवसरमा नेपालीहरुको महान पर्व विजया दशमीको अवसरमा शुभकामना अदानप्रदान समेत गरिएको थियो ।

कार्यक्रमलाई सम्बोधन गर्दै गाउँपालिका अध्यक्ष खेमचन्द्र यादवले जेष्ठ नागरिकका लागि सामाजिक सुरक्षा भत्ता घर-घरमा पुर्याउने घोषणा गरे । केहि समय भित्र पालिकामा एम्बुलेन्स संचालन हुने बताउदै अध्यक्ष यादवले जेष्ठ नागरिकलाई नि:शुल्क सेवा दिने स्पष्ट गरे । असहायहरुका लागी भारतीय राजदुतावासको सहयोगमा बृद्धा आश्रम बनाउन आफु प्रयासरत रहेको समेत बताए । जनताको सेवामा समर्पित रहेकोले जनताको कामकाजमा कहिकतै समस्या आए आफुलाई तुरुन्तै जानकारी गराउन उनले आग्रह गरे ।

बलान बिहुल गाउँपालिका वडा नं. १ को वडा अध्यक्ष राम कुमार यादवको अध्यक्षता तथा गाउँपालिका अध्यक्ष खेमचन्द्र यादवको प्रमुख आतिथ्यमा कार्यक्रम सम्पन्न भएको छ । कार्यक्रममा विशिष्ट अतिथिको रुपमा बौद्धिक समाज जागरण मञ्च मल्हनिया गंगाराम यादव, पुर्व गाबिस अध्यक्ष छत्र नारायण यादव र पुर्व गाबिस उपाध्यक्ष बद्री नारायण यादवको उपस्थिति रहेको थियो ।

त्यसैगरि अतिथिको रुपमा वडा नं. २ को वडा अध्यक्ष इद्रदेव यादव, बौद्धिक समाज जागरण मञ्च मल्हनिया कोषाध्यक्ष दिगम्बर यादव, समाजसेवी गयाप्रसाद साह, जनमत पार्टीको बलान बिहुल संयोजक रामकुमार यादव, लोसपाको नेता दुखी यादव, समाजसेवी अछ्मितलाल चौधरी, रामनगर साना किसानका अध्यक्ष रामचन्द्र यादव, जनमत पार्टीका नेता ईन्द्र देव यादव लगायतको उपस्थिति रहेको थियो ।

कार्यक्रम बौद्धिक समाज जागरण मञ्च मल्हनियाको आयोजना तथा बलान बिहुल गाउँपालिकाको सहयोगमा सम्पन्न भएको छ । कार्यक्रमको उदघोषण जिन्सी शाखा प्रमुख सन्तोष कुमार यादवले गरेका थिए ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]