न्यूजमधेश डेस्क
काठमाडौँ,२१ असोज।लोकतान्त्रिक समाजवादी पार्टीका नेताहरू बालुवाटार पुगेका छन् ।
सत्तारुढ दलको बैठक चलिरहँदा आगामी ४ मंसिरका लागि तय भएको निर्वाचनमा सिट बाँडफाँडका लागि लोसपा नेपालका नेताहरू बालुवाटार पुगेका हुन् ।
सत्तारुढ गठबन्धनको प्रमुख घटक जनता समाजवादी पार्टी नेपाल नेकपा एमालेसँग सिट बाँडफाँटका लागि अन्तिम तयारी भइरहेको वेला लोसपा नेपाल बालुवाटार पुग्नुले राजनीतिमा नयाँ सहमतिको प्रयासको रूपमा बुझिएको छ ।
शरदसिंह भण्डारी, अनिलकुमार झा, जितेन्द्र सोनालसहितको टिम बालुवाटार पुगेर नयाँ सम्झौताको आधार तय गर्ने बुझिएको छ ।
