न्यूजमधेश डेस्क
जनकपुरधाम, २८ असोज । धनुषा निर्वाचन क्षेत्र नं.३ का जनतालाई सेवा गर्नको लागि ईन्जिनियर शम्भुनाथ साह र युवा चिकित्सक प्रसन्न कुमार झाको उम्मेदवारीले दर्ता गराएपछी क्षेत्रबासी खुशी भएका छ्न।
प्रसिद्ध छाला तथा यौन एवम् सौन्दर्य विशेषज्ञ युवा डाक्टर प्रसन्न कुमार झाले धनुषाको ३ को “क” बाट उम्मेदवारी दर्ता गराएसँगै सो क्षेत्रका वासिन्दाहरु खुशी भएका छन् ।
चिकित्सा पेशाबाट सिधै राजनीतिमा हाम फालेका डा. झाको उम्मेदवारीसँगै सो क्षेत्रका जनताले आफ्नो क्षेत्रको विकास हुने विश्वास लिएका छन् ।
डा.झाले प्रदेश सभामा जनमत पार्टीको तर्फबाट आफ्नो उम्मेदवारी दर्ता गराएका हुन् । झाको परिवार नै धनुषाको विकासको लागि सक्रिय छ । युवा अवस्थामै राजनीतिमा आउनुको कारण यसअघि जितेका जनप्रतिनिधिहरुले सो क्षेत्रको विकासको लागि सिन्को पनि नभाँचेकोले गलत परम्परा तोड्नको लागि आफू चुनावी मैदानमा खडा भएको सुनाए ।
उनले आफू कुराभन्दापनि काममा विश्वास गर्ने व्यक्ति भएकोले जनताले जिताएर पठाए सो क्षेत्रको मुहार फेर्ने विश्वास दिलाए ।
विभिन्न विकसित देशको भ्रमण गरिसकेका झाले सो क्षेत्रको विकासको लागि शिक्षा, स्वास्थ्य, खानेपानीलगायतका क्षेत्रमा काम गर्ने बताएका छन् । उनको चुनावी घरदैलोमा जनताको उत्साहजनक सहभागिता देखिएको छ ।
सोही क्षेत्रको प्रतिनिधि सभा सदस्यको लागि ई.शम्भुनाथ साहले जनमत पार्टीबाटै उम्मेदवार दिएका हुन।ईन्जिनियर र डाक्टर एक पटक दुबै जनाले एउटै जनमतबाट चुनावी मैदानमा उत्रिएका छ्न।
प्रतिनिधि सभा सदस्यका उम्मेदवार ईन्जिनियर साहले आफुहरुसंग यसक्षेत्रलाई विकास गर्ने खाका रहेकोले जनताले बुझिरहेको उनले बताए ।
