कैलाली ।धनगढी उप–महानगरपालिका वडा नम्बर १ त्रिवेणी चोकका बलबहादुर बुढाका १० वर्षीय छोरा केशव वेपत्ता भएको छ।
केशवका बाजे धनबहादुरले मंगलबार दिउँसो उनी घरबाट वेपत्ता भएको बताए। दिउँसो १ बजे सम्म घरमै रहेका बुढा एकाएक हराएको उनले बताए ।
परिवारले बालकको खोजीका लागि प्रहरीमा निवेदन दर्ता गराएका छन्। गहुँ गोरो वर्णको, सेतोमा रातो धर्का भएको नेपाली सेना(आर्मी) को जस्तै कपडाको पाईन्ट र निलो झोला बोकेको हुँदा देख्नुहुनेलाई नजिकको प्रहरी चौकीमा सम्पर्क गरिदिन आग्रह गरिएको छ। बुढाको पुख्र्यौली घर अछाम हो।
अछामको ढकारी नगरपालिका वडा नम्बर ३ हिच्माबाट केहि वर्ष पहिले मात्र उनको परिवार धनगढी बसाई सरी आएका थिए। यता जिल्ला प्रहरी कार्यालय कैलालीले बालकको खोजि कार्य जारी राखिएको जनाएको छ।
