जनकपुरधाम,२७ कार्तिक ।धनुषा निर्वाचन क्षेत्र नम्बर २ मा जनता समाजवादी पार्टी (जसपा) का उम्मेदवारहरुले निर्वाचन आचार संहिताको धज्जी उडाएका छन् ।
क्षेत्र नम्बर २ बाट प्रतिनिधि सभा सदस्य पदका उम्मेदवार आनन्द यादव ( गंगाराम ) र सोही क्षेत्रबाट प्रदेश सभा (ख) का उम्मेदवार राम आशिष यादवले आचार संहिताको धज्जी उडाएका हुन् ।
प्रचार-प्रसारका लागि प्रयोग गरिएको ट्योटा गाडी माथि फुटबल जस्तै गोलाकार देखिने ठूलो आकारको आकृतीमा जसपा नेपाल र झण्डा अंकित गरेर तल नारा लेखि गाडी गाउँ गाउँमा घुमाई राखेका छन् ।
निर्वाचन आचार पुर्णरुपमा पालना गर्ने प्रतिवद्धता जनाएका दल र उम्मेदवारहरुले यसरी आचार संहिताको धज्जी उडाई रहेको भएपनि निर्वाचन आयोग भने मौन बसेको देखिन्छ ।
