चतुर यादव, २१ मंसिर । सिरहा जिल्लाको औरही गाउँपालिकामा रहेको श्री सुन्दर जनता माध्यमिक विद्यालय औरहीमा विद्यार्थीहरुले विभिन्न माग राख्दै तालाबन्दी गरेको छ । औरही गाउँपालिकाको औरहीमा रहेको सो विद्यालयमा शिक्षकको अभावले एक वर्ष देखि विद्यार्थीहरुको पठन पाठनमा अबरोध भएपछि आफुहरुले ताल्चा लगाएको विद्यार्थीहरुले रेडियो गंगाजललाई जानकारी दिएका छन् । नजिकै एस.इ.इ.आउदै छ हाम्रो पठन पाठन निकै प्रभावित भएपनि पालिका र विद्यालय व्यवस्थापन समितिले चासो नदेखाएपछि आफुहरु ताल्चा लगाएको जानकारी दिएका छन् । विद्यार्थीहरुले विद्यार्थी माथि अत्याचार गर्न पाइँदैन, स्वास्थ्य विषयको शिक्षक व्यवस्था गर, सामाजिक बिषयको शिक्षक व्यवस्था गर, विद्यार्थीको माग पुरा गर, विद्यार्थीको भविष्यसँग खेलवाड गर्न पाइँदैन, भन्दै बुधबार ताल्चा लगाएको हो ।
यसै विषयमा विद्यालयका प्र.अ.इन्द्रदेव यादव संग बुझ्दा औरही गाउँपालिकाले यसै विद्यालयमा करार सेवाका शिक्षकहरुलाई हटाएपछि यो अवस्था सृजना भएको बताएका छन् । पालिकाले शिक्षक त हटायो तर विद्यालयको पठन पाठनका लागि थप शिक्षक व्यवस्था गर्न नसकिएपछि विद्यार्थीहरु ताल्चा लगाएको र हामीले ताल्चा खोल्ने प्रयासमा लागेको बताएका छन् । यसै विषमा औरही गाउँपालिकको अध्यक्ष शिवजी यादव संग बुझ्न खोज्दा गैर जिम्मेवार रुपमा जवाफ फर्काएका छन् । हामी विद्यालयमा किन ताल्चा लगाएको प्रश्न गर्दा उहाँले भन्नुभयो, मलाई केहि थाह छैन् । त्यो कुरा विद्यालयका प्र.अ.लाई थाह हुनुपर्छ । प्र.अ.संगै कुरा गरेर थप विषय बुझ्नुहोस् । मेरो नम्बर भएपछि प्र.अ.को नम्बर पनि अवश्य हुनुपर्छ उहाँ संगै बुझ्नुस् भन्दै गैरजिम्मेवार रुपमा जवाफ फर्काएका छन्
गाउँपालिकाको अध्यक्ष र पालिकाको शिक्षा विकास समितिको अध्यक्ष समेत भएपछि यस प्रकारको जवाफले पालिकाका अध्यक्ष यादव शिक्षा प्रति चासो नराखेको देखिएको छ । पालिका अध्यक्ष र प्र.अ.को आपसी द्धन्द्धका कारण विद्यार्थीको भविष्य संगै खेलवाड भएको स्थानियहरु बताउछन् । नव निर्वाचित पदाधिकारीले विद्यालयमा करार सेवामा कार्यरत शिक्षक पुरुषोत्तम यादव, संतोषी कुमारी यादव र रिंकु कुमारी यादवलाई हटाएपनि अर्को व्यवस्था नभएपछि यो अवस्था सृजना भएको स्थानीय जानकारहरु बताउछन् ।
