न्यूजमधेश डेस्क
काठमाडौं ,२१ मंसिर। मंसिर ४ को निर्वाचनको नतिजा आएसँगै राजनीतिक भेटघाटमा व्यस्त रहेको जनमत पार्टीका अध्यक्ष डा.सीके राउतले आज पनि भेटवार्तालाई निरन्तरता दिएका छन् ।
डा.राउतले आज एकै दिन नेकपा एमालेका अध्यक्ष एवम् पूर्वप्रधानमन्त्री केपी शर्मा ओली, जनता समाजवादी पार्टीका अध्यक्ष उपेन्द्र यादव एवम् लोकतान्त्रिक समाजवादीका अध्यक्ष महन्थ ठाकुरसँग भेटवार्ता गरेका छन् ।
भेटमा उनीहरुबीच समसामयिक राजनीतिक विषयमा कुराकानी भएको बताइएको छ ।जनमत पार्टीका अध्यक्ष डा.सीके राउतले सप्तरी -२ बाट प्रतिनिधि सभामा निर्वाचित भएपछि उनी विभिन्नका अध्यक्षसहित राजनीतिकर्मीसंग शिष्टाचार भेटवार्ता गरिरहेको छ।
