न्यूजमधेश डेस्क
जनकपुरधाम,२६ मंसिर ।जनमत पार्टीका राष्ट्रिय अध्यक्ष माननीय डा.सीके राउत र गैर आवासीय मधेशी संघका अन्तरास्ट्रिय समिति महासचिव डा.श्याम बाबू महतोबीच भेटवार्ता भएको छ।
सोमबार जनकपुरधामस्थित रहेको जनमत पार्टीको केन्द्रिय सचिवालय कार्यलयमा सप्तरी निर्वाचन क्षेत्र नं.२ बाट प्रतिनिधि सभा सदस्यमा निर्वाचन भएका अध्यक्ष डा.राउतलाई भेटघाटको क्रममा गैर आवासीय मधेशी सघंका महासचिव डा.महतोले बधाई तथा सफल कार्यकालको शुभकामनासमेत दिएको थिए।
महासचिव डा.महतोले अध्यक्ष डा.राउतलाई विदेशमा रहेको मधेशीहरुको समस्याको बारेमासमेत जानकारी गराएका थिए।
साथै , जनमत पार्टीबाट प्रतिनिधि तथा प्रदेश सभामा प्रत्येक्ष र समानुपातिकमा निर्वाचन भएका सम्पुर्णलाई बधाई तथा सफल कार्यकालको शुभकामना गैर आवासीय मधेशी संघको तर्फबाटसमेत दिएको महासचिव डा.महतोले बताए।
