जनकपुरधाम।धनुषाको जनकनन्दनी गाउपालिका वाड .४ खजुरीमा कुटपिट पछि घाइते भएका जयनाथ पंडीतको अवस्था नाजुक वन्दै गएको छ ।
कुटपिट पछि जनकपुर अंचल अस्पतालमा भर्ना भएको पंडीतलाई अस्पतालले भरतपुर अस्पतालमा रेफर गरेको थियो । भरतपुर अस्पतालमा उपचाररत पंडीतको विहिवार देखि नै अवस्था गम्भीर वन्दै गएको चिकित्सकहरुले वताएका छन ।
भरतपुर अस्पतालका चिकित्सक डा.एनमैयायाका अनुसार टाउको मा चोट लागेकोले पंडीतलाई इमरजेन्सीमा भर्ना गरिएको र उनको अवस्था नाजुक रहेको वताउदै अहिले नै केहि भन्न नसक्ने अवस्थामा रहेको वताए ।
गत भादो १ गते आइतवार गुणस्तरहिन काम गरेको भन्दै समाजिक संजालमा स्टेटश लेखेपछि जयनाथ पंडीतमाथि मरनासन्न गरि कुटपिट गरिएको थियो ।
धनुषाको जनकनन्दनी गाउपालिका वार्ड नं ४ का २३ वर्षिय जयनाथ पण्डीतमाथि आइतवार साझमा गाउकै उपभोक्ता समितिका अध्यक्ष लगायतका १५ जनाका समुहले अचानक आक्रमण गरेर कुटपिट गरेपछि गम्भीर घाइते भएपछि आइतवार नै जनकपुरधाम अंचल अस्पतालमा भर्ना गरिएका घाइते पण्डीतको टाउको मा बढि चोट लागेकोले सोमवार उनलाई भरतपुर रेफर गरिएको थियो ।
आइतवार पण्डीतले आफुले चलाउदै आएको फेसवुक पेज खजुरी डटकममा बजार सेट निमार्ण भएको एक महिनामा नै भत्किएको भन्दै केहि तस्वीरहरु अपलोड समेत गरेका थिए । सोहि विषयलाई रिसीवी वनाएर सो सेड वनाउने उपभोक्ता समितिका अध्यक्ष अशोक मण्डल लगायतका डेढ दजर्न समुहले आफु एक्लै भएको समयमा घेरेर निर्घात कुटपिट गरैको घाइते पण्डीतले वताए ।
यता कुटपिट गर्ने मध्ये अशोक मण्डल र सुनील मण्डललाई इलाका प्रहरी कार्यालय खजुरीले जमान्तमा रिहा गरिसकेको छ। घटनाको विषयमा छानवीन भइरहेको इलाका प्रहरी कार्यालयका प्रहरी निरिक्षक शंकर चौधरीले वताए ।
