न्यूजमधेश डेस्क
जनकपुरधाम,१ पौष ।सिरहाको लहानस्थित रहेको एलएमसी कलेजका प्रमुख मनोज कर्णको नेतृत्वमा विभिन्न पेशामा आवद्ध दर्जनौं व्यक्तिहरु जनमत पार्टीमा प्रवेश गर्नुभएको छ।
विहिबार लहान नगरपालिका वडा नम्बर -१ मा रहेको एक कार्यक्रमबीच प्रमुख कर्णको नेतृत्वमा दर्जनौं जना जनमत पार्टीमा प्रवेश गर्नुभएको हो।
पार्टी प्रवेश गर्नेमा रेन्बो इन्ट्रनेशनल स्कुल लहानका प्रमुख राजेन्द्र प्रसाद साह,मनोकामना ड्राइभरीङ्ग सेन्टरका प्रमुख दिलिफ कुमार,लहानका प्रख्यात शिक्षक अनिल कर्ण,शिव कुमार राय,बिरेन्द्र यादव,बिजय यादव,लहानका व्यवसायी क्षेत्रका हस्ती बिजय गुप्ता र प्रमकुमारी दाससहित दर्जनौं जना जनमत पार्टीमा प्रवेश गरेको एलएमसी कलेजका प्रमुख मनोज कर्णले जानकारी दिनुभएको छ।
उहाँहरुलाई जनमत पार्टीका सिरहा जिल्ला इन्चार्ज बिजय साह,पार्टीका नेता बालेश्वर यादवले अबिर र खादा लगाएर पार्टीमा स्वागत गर्नुभएको हो।
