०४ साउन २०८१, शनिबार
20-07-2024 , Sat
×

आईसीयूको भिडियो सार्वजनिक भएपछि राज्यमन्त्री कार्कीको आलोचना

Logo
प्रकाशित बुधबार, माघ ११, २०७९

न्यूजमधेश डेस्क
काठमाडौं,११ माघ। स्वास्थ्य राज्यमन्त्री डा तोसिमा कार्कीले मंगलबार आत्महत्याको प्रयास गरेका प्रेमप्रसाद आचार्यलाई आईसीयूमा भेट्न गएको भिडियो सार्वजनिक भएपछि सामाजिक सञ्जालमा आलोचना सुरु भएको छ।

अघिकांश आलोचकहरुले आईसीयूजस्तो संवेदनशील स्थानमा गएर बिरामीलाई भेटेको, उनीसँग विभिन्न प्रश्न सोधेर केरकार गरेको र सस्तो लोकप्रियताका लागि भिडियो समेत खिच्न लगाएर सार्वजनिक गरिएको भन्दै आलोचना गरेका छन्।

आईसीयूमा गएर बिरामीको केरकार गरेको भन्दै डा नवरत बाँनियाले चिकित्सकको नैतिकतामा प्रश्न गर्दै सामाजिक सञ्जाल ट्विटरमा लेखेका छन्, ‘किन यस्तो? घाइते प्रेम आचार्यलाई आईसीयू कक्षभित्र भेट्न गएकी डा तोसिमा कार्की आफैं चिकित्सक हुन्। त्यो अवस्थामा केरकार गर्न हुँदैन भन्ने इथिक्स उनमा थिएन? नाङ्गो हातले आईसीयूको बिरामी छुन हुँदैन भन्ने चेत पनि हराएकै हो त? उनको डाक्टरीमाथि राजनिति हाबी भो। सम्हाल्लिनु पर्‍यो।’

यस्तै, ट्विटरका अर्का प्रयोगकर्ता प्रमित लिबाङ्गीले राज्यमन्त्री कार्कीले सामाजिक सञ्जालमा चर्को प्रचार गर्न खोजेको आरोप लगाएका छन्। ‘तोसिमा कार्कीलाई आईसीयू भित्रको संवेदनशीलता समेत ज्ञान रहेनछ। पेशागत डाक्टर अनि मेडिकल काउन्सिलमा बसेको मान्छे। पेशागत क्षेत्रको मान्छे मन्त्री भएको के अर्थ भो यसरी। के सारो सस्तो प्रचारको खाँचो हो?’

यस्तै, राप्रपा नेपालका अध्यक्ष कमल थापाले कार्कीले बिरामीलाई भेटेको भन्दै कटाक्ष गरेका छन्। उनले लेखेका छन्, ‘राज्यमन्त्री तोसिमा कार्की राम्रो सम्भावना भएकी व्यक्ति हुन्। राजनीतिमा उनको प्रवेश स्वागतयोग्य छ। बिरामी भेट्न जानु राम्रो हो। तर, ८० प्रतिशत जलेर जीवन मृत्युको दोसाँधमा रहेका बिरामी भेट्न जाँदा भिडियो खिच्ने टोलीसहित लिएर आईसीयूमा जानु स्वयं चिकित्सक पनि रहेकी कार्कीको काम ठीक लागेन।’

मन्दिरा नाम गरेकी एक ट्विटर प्रयोगकर्ताले लेखेकी छन्, ‘बिरामी भेट्न जानुपर्थ्यो ठीक भयो। तर, राज्यमन्त्रीज्यूलाई मेरो प्रश्नः तपाईं आफैं डक्टर हो नि, आईसीयूमा रहेका सिरियस बिरामीलाई भेट्न जाँदा मिडिया लिएर जान जरुरी हो, लैजान मिल्छ? त्यो ठाँउको संवेदनशिलतालाई किन गम्भीर रुपमा लिनु भएन? तपाईं पनि मिडियाबाजी गरेर हिट हुने बिचार गर्नु भाको होर?’

यस्तै, अस्मिनी भेट्वालले लेखेकी छन्, ‘युवा नेतृत्वको परिभाषा नै सस्तो लोकप्रियता र मिडियाबाजीमा सीमित हुने भयो।’

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]