न्यूजमधेश डेस्क
जनकपुरधाम,१३ माघ।धनुषामा पेस्तोल र त्यसमा लोड भएको दुई राउण्ड गोली र एक म्याग्जिन सहित एक व्यक्ति पक्राउ परेका छन् ।
जिल्लाको मिथीला नगरपालिका-२ नकटाझिझ चौकबाट सोही पालिकाको वडा नम्बर-७ बस्ने जोगिन्द्र महतो को छोरा अन्दाजी २८ वर्षको रौशन महतो पेस्तोलसहित बिहीबार बेलुका पक्राउ परेका हुन् ।
ईलाका प्रहरी चौकी महेन्द्रनगर, धनुषाबाट प्रहरी निरीक्षकको कमाण्डमा खटिएको टोलिले शंका लागी चेकजाच गर्दा महत्तोको साथबाट माउजर पेस्तोल एक थान, लोड गरेको दुई थान गोली र एक म्याग्जिन बरामद भएको हो ।
प्रहरी नियन्त्रणमा रहेका महत्तोलाई जिल्ला प्रहरी कार्यालय धनुषामा राखेर थप अनुसन्धान भइरहेको धनुषा प्रहरीका प्रवक्ता प्रहरी नायब उपरीक्षक प्रदीपबहादुर क्षेत्रीले जानकारी दिए ।
