२० फाल्गुण २०८०, आइतबार
03-03-2024 , Sun
×

वडा अध्यक्ष शिवु साह जसले आफ्नो तलव भत्ता वृद्ध आमाहरुको सेवामा लगाउदै

Logo
प्रकाशित आइतबार, भाद्र ०८, २०७६

कैलाश कुमार,जनकपुरधाम ।जनकपुरधाम उपमहानगरपालिका वडा नं. २ का स्वतन्त्रबाट वडा अध्यक्ष पदमा निर्वाचित भएका वडा अध्यक्ष शिव कुमार साह अहिलेसम्म उठाएको तलवभत्ता वृद्ध आमाहरुको सेवा सत्कारमा नै खर्चिएको बताए ।

धनुषामा १८ वटा पालिकामध्ये पहिलो वडा अध्यक्ष साह हुन जसले आफ्नो तलवभत्ताबाट नपुगेपनि घरबाट लगानी गरेर वृद्ध आमाहरुलाई तीर्थाटन गराएका हुन ।

२०७४ साल असोज २ गते स्थानीय तहको निर्वाचन भयो । असोज ९ गते सपथ लिए । सपथ लिएको दुई महिना नवित्नै अर्थात कार्तिक मसान्तको चिसोको बेलामा वडा अध्यक्ष साहले वडामा रहेका वृद्धवृद्धाहरुलाई कम्बल, चावल, चाउचाउ, विस्कुट लगायतको सामाग्री वितरण गरे ।

त्यसको लगतै केही दिनमा वडामा रहेकी वृद्धाआमालाई धार्मिक भ्रमण गराए । एउटा बसमा ५८ जना वृद्धआमाहरुलाई लिएर भारत झारखण्डको वैद्यनाथ (बाबाधाम) र राजगिर भ्रमण गराए । गाडीका साथै भोजन, तीर्थ स्थलमा लाग्ने रकम समेत वडा अध्यक्ष साहले नै तिरेका छन् ।

२०७४ सालमै साहले नेपालकै पुष्पलपुरमा रहेको धार्मिक स्थल चमिनियाँ माई स्थानमा वृद्ध आमालाई दर्शन गराएका छन् । त्यो भ्रमणमा २२ वटा साना गाडीमा १२५ जनाको सहभागिता रहेको थियो । बेलाबेलामा वडा अध्यक्ष साहले नगरभित्रमा भोजन, वस्त्र लगायत दानपुण्य गर्दै नै आएका थिए ।

२०७५ सालमा फेरी वडा अध्यक्ष साहले सयभन्दा बढी वृद्ध आमाहरुलाई काठमाण्डौंको धार्मिक स्थलका साथै मनोकामना दर्शन गराएका हुन् । दुईवटा बसमा वडा अध्यक्ष साहले वृद्धआमाहरुलाई साडी लगायतको वस्त्र दिएर भोजन, तीर्थस्थलमा तिर्नुपर्ने शुल्क आफैले तिरेका छन् । हिन्दु, मुस्लिमका पर्व त्योहारमा वडा अध्यक्ष साहले सबभन्दा बढी माया स्नेह वृद्धआमाहरुलाई नै गर्दै आएका छन् ।

वडाअध्यक्ष साह भन्छन् –‘वृद्ध आमाहरुको सेवामा मलाई धेरै खुशी र आनन्द लाग्छ । यो संसारमा कसैले केही लिएर जाँदैन, वृद्ध आमाहरुले मलाई आशीर्वाद दिए सबै सुख पाउँछु जस्तो अनुभूति हुन्छ ।’

उनले अहिलेसम्म उठाएको तलवभत्ता आमाहरुकै सेवामा लगाएको छु। त्यसले पनि पुगेन भन्ने घरबाट पनि लगाउने गरेको बताउँछन् । साहले अहिलेसम्म वृद्धहरुको धार्मिक भ्रमणमा पाँच लाख रुपैया खर्चिएका जनाइएको छ ।

कमेन्ट गर्नुहोस्
सम्बन्धित

जनकपुरधाम । जनता समाजवादी पार्टी नेपालसहित विभिन्न पार्टी परित्याग गर्दै सयौं जना नेताकार्यकर्ताहरु जनमत पार्टी प्रवेश गरेका छन् । शुक्रबार जनमत पार्टी धनुषाका इन्चार्ज सुरेन्द्र मण्डलको अध्यक्षतामा भएको पार्टी प्रवेश कार्यक्रममा विभिन्न पार्टीका सयौं जना नेताकार्यकर्ताहरु जनमत प्रवेश गरेका हुन् । नवप्रवेशीहरुलाई कार्यक्रमका प्रमुख अतिथिसमेत रहेका जनमत पार्टीका राष्ट्रिय अध्यक्ष डा.सीके राउत खादा र अबिर […]

जनकपुरधाम । मधेश प्रदेशको राजधानी जनकपुरधामस्थित नयाँ सुविधा सम्पन्न होटल कालिका एन्ड रेष्टुरेन्ट सञ्चालनमा आएको छ । जनकपुरधाम उपमहानगरपालिका वडा नम्बर-२ कदमचोकस्थित होटल कालिका एन्ड रेष्टुरेन्ट सञ्चालनमा आएको हो । (सोमबार) विधिवत रूपमा रिबन काटेर होटलको उद्घाटन गरिएको छ । कदमचोकदेखि शिवचोक जाने बाटोमा राजश्री बैंकको अगाडि र सेन्टर मार्टको माथिल्लो तल्लामा रहेको सो रेष्टुरेन्ट सुविधा […]

जनकपुरधाम। धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा भएको छैन। तर सोही निर्माणाधीन पुल नजिकै नेपालकै सबैभन्दा लामो ‘कठाल मल्हनिया मल्टिस्पान’ झोलुङ्गे पुल सम्झौता अवधिभन्दा झण्डै छ महिनाअघि सम्पन्न भएको छ। धनुषाको जनकनन्दिनी गाउँपालिका-६ कठाल र सिराहा नगरपालिका-१३ मल्हनिया जोड्ने सो पुल निर्माण सक्नुपर्ने […]