न्यूजमधेश डेस्क
जनकपुरधाम,२९ फागुन। मधेश प्रदेशका भूमि व्यवस्था कृषि तथा सहकारी मन्त्री वसन्त कुशवाहाले भूमिहीन सुकुम्बासीको समस्या बारे प्रदेश सभामा कुरा उठाउने बताएका छन् ।
आइतबार मन्त्री कुशवाहाले सुकुम्बासीको जग्गा सम्बन्धी समस्या बारे आफ्नो पार्टीका अध्यक्ष डा.सीके राउतसंग छलफल गरी संघीय संसदमासमते कुरा पुर्याउने अश्वासन दिएका छन् ।
आइतबार जनकपुरधामस्थित भूमि व्यवस्था कृषि तथा सहकारी मन्त्रालय घेराउ गर्दै नाराबाजी गर्न गएका चुरे संरक्षण अभियानी तथा सुकुम्बासीहरुसंग कुराकानी गर्दै मन्त्री कुशवाहाले उनीहरुको समस्या समाधान गर्न पहल गर्ने बताए ।
उनले भूमिहीनलाई जग्गा दिने अधिकार संघीय सरकार र स्थानीय सरकारसंग मात्र रहेकोले प्रदेशमा ऐन नबनेसम्म भूमिहीनको समस्याप्रति कुनै ठोस निर्णय लिन नसक्ने बताए ।
