न्यूजमधेश डेस्क
जनकपुरधाम,११ चैत। जनमत पार्टीले मधेश प्रदेशका धनुषासहित ६ जिल्लामा नयाँ जिल्ला ईन्चार्ज चयन गरेका छन् ।
शनिबार जनमत पार्टीका राष्ट्रिय अध्यक्ष डा. सिके राउतले जारी विज्ञप्तीमा मधेश प्रदेशका ६ जिल्लाको ईन्चार्ज , संयोजक र सहसंयोजक तोकिएको छ ।
धनुषाको ईन्चार्जमा सुरेन्द्र मण्डललाई चयन गरेको छ।त्यसैगरी ,सिरहाको ईन्चार्जमा बिनोद यादव, महोतरी ईन्चार्जमा सौरभ साह, सर्लाही ईन्चार्जमा श्रीचन राय यादव र रौतहटको जिल्ला ईन्चार्जमा बृजकिशोर यादव चयन भएका छन् ।
पर्सा जिल्लामा भने ईन्चार्ज, संयोजक र सहसंयोजक पनि तोकिएको छ । जिल्लाको ईन्चार्जमा माधव प्रसाद सिंह चयन भएका छन भने संयोजकमा ओम प्रकाश सर्राफ चयन भएका छन् ।
सरार्फ गत साता मात्र जनमतमा प्रवेश गरेका हुन । पर्साको सहसंयोजकमा मुकेश द्विवेदी चयन भएको विज्ञप्तीमा उल्लेख छ ।
