जनकपुरधाम,७ जेष्ठ ।मधेश प्रदेशका राजधानी जनकपुरधामस्थित रहेको प्रादेशिक अस्पतालले एक जना बिरामीको गलत रिपोर्ट दिएपछि अस्पताल प्रशासनको बिरोधमा उत्रिएका ५ जनालाई प्रहरीले पक्राउ गरेको छ।
आइतबार धनुषाको सहिदनगर नगरपालिका-२ का अजय यादवका श्रीमती शर्मिला देवी यादवको रगत चेकजाँच गराएपछि अस्पतालले गलत रिपोर्ट दिएका थिए।त्यसको बिरोध गरेपछि विद्यार्थी जनमत संघ धनुषा अध्यक्ष बिरेन्द्र यादव ,युवा जनमत संघ धनुषाका सहसंयोजक इजाज अन्सारीसहित ५ जनालाई प्रहरीले नियन्त्रणमा लिएको छ।
उपचारका लागि अस्पताल पुगेकी गर्भवती शर्मिला देवी यादवको रगत जाँचपछि अस्पतालले गलत रिपोट बुझाएपछि अस्पताल प्रशासन बिरुद्ध पक्राउ परेकाहरुले टायर बालेर प्रदर्शन गरेका हुन् ।
गर्भवती रहेकी शर्मिलाको रगतको जाँचपछि अस्पताल प्रशासनले दिएको रिपोट गल रहेको उनको श्रीमान अजयले आरोप लगाएका छन् ।
उनका अनुसार रगतमा हुने प्लेटलेट्सको जाँच चिकित्सकले गरेका थिए । तर रगत जाँचपछि दुई फरक फरक रिपोर्ट आएपछि युवाहरु अस्पताल प्रशासनबिरुद्ध प्रदर्शनमा उत्रिएका थिए ।
पक्राउ गरेकाहरुको रिहा गर्न जनमत पार्टीका नेता बीपी साहले आग्रह गर्दै उनले यस घटनाको छानबिन गरि गलत रिपोर्ट बनाउने ल्याबमा कर्मचारी र निजि अस्पतालमा पठाउन दबाब दिनेमाथी कार्वाही गर्न माग गरिएका छ्न।
