जनकपुरधाम,७ जेष्ठ । एकीकृत सरकारी कर्मचारी संगठन मधेश प्रदेशको प्रथम अधिवेशनबाट तुलाकृष्ण गोईतले अध्यक्षको जिम्मेवारी पाएको छ।
शनिबार जनकपुरधाममा सम्पन्न अधिवेशनबाट गोइतको नेतृत्वमा २४ सदस्य मधेश प्रदेश कार्यसमिति चयन भएको छ।
सम्पूर्ण सरकारी कर्मचारीहरु एक जुट होऔँ नारा सहित जनकपुरधाममा भएको मधेश प्रदेश कार्य समितिको प्रथम अधिवेशनबाट सुरेश रोहितालाई महासचिवको जिम्मेवारी दिएको हो । उनलाई सर्व सहमतिबाट महासचिवको जिम्मेवारी दिइएको हो ।
कार्य समितिको उपाध्यक्षमा निरेन्द्र कुमार चौधरी, रमेश प्रसाद यादव र सुशिला कुमारी सिँहलाई चयन गरिएको छ । सँगठनको सचिवमा मनोहर मुखिया, चन्द्रभुषण साह र रेणु यादवलाई चयन गरिएको हो ।
संगठनको कोषाध्यक्षमा नवनित कुमार झालाई चयन गरिएको छ । सदस्यहरुमा बीरेन्द्र प्रसाद साह, अनिता कुमारी महतो, सरोज कुमार साह, धर्मेन्द्र गोईत, बसन्त झा, मनोज साह, श्याम मण्डल, सुरेश यादव, राजु राय यादव, लावण्य गौतम, प्रमोद मण्डल, सत्यनारायण पण्डित, मनोहर पण्डित, चन्द्रदेव शर्मा, दिलिप कुमार यादव लगायतलाई चयन गरिएको हो ।
कार्य समितिको निर्णय अनुसार अन्य ५ पद रिक्त रहेको अवस्थामा सँगठनको नियम अनुसार पूर्ति गरिने जनाइएको छ । शनिबार नै नयाँ पदाधिकारीहरुलाई निर्वाचन समितिका संयोजकबाट सपथ ग्रहण गराएको महासचिव सुरेश रोहिताले जानकारी दिएका हुन ।
