काठमाडौं । सुचना तथा सञ्चारमन्त्री गोकुल बाँस्कोटाले संविधान दिवसको दिन गलफ्रेण्ड लिएर हिड्नका निम्ति विदा दिएको होइन ,संविधान दिवस भव्यताको साथ मनाउन लागि आग्रह गरेको छ।
बुधबार संविधान दिवस मूल समारोह समिति अन्तर्गतको प्रचार प्रसार उपसिमितिले सञ्चार मन्त्रालयमा गरेको छलफल कार्यक्रममा उनले सरकारले संविधान दिवस भव्यताका साथ मनाउनका लागि सार्वजनिक विदा दिएको भन्दै सबैको अर्थपूर्ण सहभागिताको अपेक्षा आफुले गरेको बताए ।
उनले भने, ‘त्यो दिन तास खेल्नका निम्ति, पिकनिक खानका निम्ति, वियर खानका निम्ति, गलफ्रेण्ड लिएर हिड्नका निम्ति, ब्वाईफ्रेण्डलाई भेट्न जानका निम्ति दिएको होइन । त्यो दिन संविधान दिवस भव्य साथ मनाउनको लागि हो ।
उनले संविधान दिवसलाई कर्मकाण्डी भन्दा भिन्न रुपमा सबै बर्ग विशेषको सहभागीता हुने गरी हर्षोल्लासपूर्ण रुपमा मनाउनका लागि श्रृजनात्मक कार्यक्रमहरुको नमुना सुझाउन पनि सरोकारवालाहरुलाई आग्रह गरे ।
भिडियो कन्फ्रेन्सबाटै मधेश ईन्जिनियर्स एसोसिएसनको गठन,अध्यक्षमा यादव
जन्मोत्सवमा पत्रकार बेल्वासेद्धारा विपन्न परिवारलाई राहत वितरण
