जनकपुरधाम । जनकपुरधाम उपमहानगरपालिका २ वकिल टोलबाट चोरी भएको एक मोटरसाइकल बेवारिसे अवस्थामा फेला परेको छ । मोटरसाइकल फेला परेपछि प्रहरीले धनीलाई जिम्मा लगाएको हो ।
वकिल टोलका पुष्पलाल नायकले घरमै पार्किङ गरी राखेको ज. ३ प. २९०९ नम्बरको मोटरसाइकल भदौं ११ गते राति घरमा चोरी भएको थियो । लगत्तै पीडितले जिल्ला प्रहरी कार्यालयमा मोटरसाइकल चोरी भएको जानकारी गराउँदै खोजिदिन आग्रह उनले गरेका थिए ।
प्रहरीले उक्त मोटरसाईकल खोज तलाशको क्रममा हिजो फेला पारेको छ । मोटरसाइकल बेवारिसे अवस्थामा फेला परेपछि धनी नायकलाई बुझाएको जिल्ला प्रहरी कार्यालय धनुषाले जनाएको छ ।
