कञ्चनपुर,२६ असार।कञ्चनपुरको कृष्णपुरमा रातको समयमा महिलालाई लुटपाट गर्ने दुई जना पक्राउ परेका छन्।
पक्राउ पर्नेमा कञ्चनपुरकै भीमदत्त नगरपालिका–१३ पिपरैया बस्ने अन्दाजी वर्ष २१ को दिपक चदारा र दोधारा चाँदनी–१ बस्ने वर्ष २२ को अर्जुन सुनार रहेका छन्।
यही असार २४ गते साँझ ७ बजेको समयमा कृष्णपुर नगरपलिका–२ पूर्व–पश्चिम राजमार्गमा सोही ठाउँकी वर्ष २१ की अनारकली चौधरी धान रोपी साइकलमा घरतर्फ मोबाइलको टर्च बाली आउँदै गर्दा पूर्वबाट पश्चिमतर्फ आउँदै गरेको सु.प.प्र.०२००३ प ६५१ नम्बरको मोटरसाइकलमा सवार उनीहरुले महिलालाई धक्का दिई रेडमी कम्पनीको मोबाइल लुटी फरार भएका थिए।
उनीहरुविरुद्ध चेक पोइन्ट थापी चेकजाँच गर्ने क्रममा उक्त घटनामा संलग्न रहेका उनीहरुलाई लुटिएको मोबाइल थान–१ ,खुकुरी थान–१ र मोटरसाइकल थान–१ सहित अस्थाई प्रहरी बिट भाँसीबाट नियन्त्रणमा लिई थप अनुसन्धान भइरहेको प्रहरीले जनाएको छ।
