काठमाडौं । उद्योग वाणिज्य तथा आपूर्तिमन्त्री रमेश रिजालले जनकपुर चुरोट कारखाना चल्ने सम्भावना नभएको जनाएका छन् ।
बिहीबार राष्ट्रिय सभामा आगामी आर्थिक वर्षको विनियोजित बजेटमाथि सांसदहरुले उठाएका प्रश्नको जवाफ दिने क्रममा उनले जनकपुर चुरोट कारखाना सञ्चालनको सम्भावना नरहेको स्पष्ट पारेका हुन् ।
रुग्ण उद्योग सञ्चालन गर्ने विषयमा बहस भइरहेको अवस्थामा उद्योग मन्त्री रिजालले जनकपुर चुरोट कारखाना चल्ने कुनै सम्भावना नदेखेको जनाए। उनले अन्य रुग्ण उद्योगहरु सञ्चालनको मोडालिटी सम्बन्धी अध्ययन प्रतिवेदन तयार गरी अर्थ मन्त्रालयको निजीकरण एकाईमा पेस गरिएको जानकारी दिए ।
‘जनकपुर चुरोट कारखाना चल्ने मैले कुनै सम्भावना देखेको छैन । अन्य रुग्ण उद्योगको विषयमा नेपाल रुग्न मेगनसाइट प्रालिलगायत बन्द तथा रुग्ण उद्योग सञ्चालन मोडालिटी सम्बन्धी अध्ययन प्रतिवेदन तयार गरी अर्थ मन्त्रालयको निजीकरण एकाईमा पेस गरिएको छ । यो निर्णय भएअनुसार काम हुने विश्वास दिलाउन चाहन्छु ।’ उनले भने ।
उनले रुग्ण उद्योग सञ्चालन गर्ने विषयमा सरकारले गरेको निर्णयअनुसार काम हुने विश्वास दिलाउने जनाए ।
