जनकपुरधाम। मिथिलाञ्चलमा मनाइने चौरचन पर्व नजिकिएसँगै धनुषासहित तराईका जिल्लामा माटोको भाडाकुडाको व्यापार बढेको छ ।

तराईमधेश क्षेत्रमा मैथली, मधेशी र थारु समुदायका स्थानीयहरुले सघन रुपमै गरिने चौरचन पर्वमा माटोको भाँडाकुँडाको माग बढेको छ ।

चौरचन सबैले मनाउने भएकाले माटोको भाडो व्यापार बढेको हो । एक परिवारले करिब ३ सय रुपियाँको माटोको भाडो खरिद गर्नुपर्ने हुन्छ । यहाँका हजारौं परिवारले चौरचन पर्व मनाईरहेका छन् । यस वर्ष हुने पर्वमा घैला, छाछी अर्थात कन्तारी, मटकुरी, लाबैन, दियो, र फुच्ची लगायतका माटोको भाडाहरुमा दही, खीर र फलफुल तथा मिठाइ राखेर पुजापाठ गर्ने भएकाले माटोको भाडाको माग अत्याधिक बढेको हो ।

स्थानीयहरुले चौरचनको १ महिना अघिबाट नै माटाका भाडाहरु खरिद गरेर लगने गरेको बताइएको छ ।विगतमा ५ देखि १० रुपियाँमा पाइने ती माटाका भाडाहरु अहिले ५० देखि ८० रुपियाँसम्ममा र कुनै कुनै भाडो १ सय देखि २ सयसम्ममा बिक्रिवितरण भएको स्थानीयहरुले बताएका छन् । यसवर्ष यहाँको इतिहासमै सबभन्दा बढी महगोंमा माटोको भाडोको खरीदविक्रि भएको छ । चौरचन गर्ने स्थानीयहरुले माटो भाडाकुडा मंहगो भएको गुनासो गरेका छन् ।

उता माटाका भाडा बनाउने र विक्रिवितरण गर्ने कुमालेहरुले वर्षभरी आफुहरुको व्यापार र पेशा अन्य समयमा नचलेको तथा माटोको भाडो बनाउन श्रम बढी खर्चिनुपर्ने बाध्यता रहेकाले महगोंमा भाडाबेच्न बाध्य भएको बताएका छन् ।

चौरचनका लागि धनुषाको यदुकुवहा लगाइत सबैला,तिनकौरिया, लगमा,पुरन्दाहा, बिरेन्द्रबजार ,धनुषाधाम लगागतका स्थानीय हाटहरुमा माटाका भाडाहरु किन्ने स्थानीयहरु नजिकको बजारमा भिड लागने देखिएको छ ।

सम्बन्धित

विद्यालयमा तालाबन्दी, अध्यक्षले पत्रकार विश्वकर्मालाई दिए धम्की

जनमत पार्टी बाकेद्वारा “नेतृत्व विकास” सम्बन्धि प्रशिक्षण कार्यक्रम सम्पन्न

लाहानको हिलाम्मे सडकको कारणले स्थानीय सास्तीमा

रविराजलाई छालाको आधारमा विभेद गरेको : मन्त्री यादव

सप्तरीको विभिन्न स्थानमा दुर्घटना हुँदा एकको मृत्यु,दुई गम्भीर

सप्तरीको गजेन्द्रनारायण सिंह अस्पतालमा तोडफोड