०९ आश्विन २०८०, मंगलबार
26-09-2023 , Tue
×

अपहरित बालक सिरहा प्रहरी द्वारा शकुसल उद्धार ,अपहरणकारी पक्राउ

Logo
प्रकाशित शनिबार, भाद्र १४, २०७६

राजेन्द्र महतो,लहान।सिरहाको कर्जन्हा नगरपालिका वडा नं. २ स्थित बन्दीपुरबाट भादो १० गते अपहरित ५ वर्षीय बालकलाई सिरहा प्रहरीले भारतबाट शकुसल उद्धार गरेको छ ।

पत्नीलाई भगाउन सहयोग गरेको आरोप लगाउँदै भारतको विहार सितामढीका शोभित मुखियाले आफन्त बच्चा यादवको ५ वर्षीय छोरालाई अपहरण गरेका थिए ।

जिल्ला प्रहरी कार्यालय सिरहाले शुक्रबार पत्रकार सम्मेलनमा अपहरणकारीलाई सार्वजनिक गर्दै बालकलाई अभिभावकको जिम्मा लगाइएको छ । मुखियाले पत्नी सुरेखालाई भगाउन बालकका बुबा-आमाले सहयोग गरेको आरोप लगाउँदै सिरहाको कर्जन्हा नगरपालिका २ बन्दीपुरमा शंकर कार्कीको घरमा डेरा गरी बस्ने बच्चा यादवको छोरा शिवमलाई अपहरण गरेका थिए ।

अपहरणकारीले बालकका बुबा-आमालाई फिरौती बापत पत्नी सुरेखालाई फिर्ता मागेका थिए ।
पत्नीलाई फिर्ता पाउन बालकलाई अपहरण गर्नु सिरहामा पहिलो घटना हो । यसअघि अपहरणकारीले अपहरितलाई फिर्ता दिन फिरौती रकम माग्ने गरेका थिए । रौतहटको कटहरिया नगरपालिका ६ का बच्चा यादव र भारतको सितामढीका शोभित मुखिया छ महिनादेखि कार्कीको घरमा छुट्टाछुट्टै डेरा गरी बस्दै आएका थिए ।

चटपटे व्यवसाय गर्ने मुखिया बाहिर गएको बेला भदौ २ गते उनकी पत्नी सुरेखा मुखिया भागेपछि शोभितले आफ्नो पत्नी भगाउन बच्चा यादव र उनकी पत्नी सुखनीदेवी यादवले सहयोग गरेको आरोप लगाइरहेका थिए । यही क्रममा यादव दम्पतीलाई पत्नी फर्काउन दबाब दिन शोभितले उनीहरुका छोरा शिवम्‌लाई अपहरण गरेको प्रहरीले बताएको छ ।
वालक शिवमलाई अपहरण गरेपछि शोभितले बारम्बार यादव दम्पतिलाई फोन गरेर मेरो श्रीमतीलाई फिर्ता गरिदेउ, आफ्नो छोरालाई लैजान भनेर फोन गरिरहेका थिए ।

जिल्ला प्रहरी कार्यालय सिरहाका प्रमुख प्रहरी उपरिक्षक उमाप्रसाद चतुर्वेदीले शोभितले गर्ने गरेको फोनबाट उसको लोकेशनलाई पछ्याउँदै जाँदा शोभितलाई वालकसहित पक्राउ गर्न सफल भएको भन्दै मुखियाले वन्दीपुरबाट धनुषाको पोर्ताहा, पोर्ताहाबाट महोत्तरीको बर्दिबास, त्यहाँबाट बन्दीपुरकै रामगोपालपुर, भित्तामोड हुँदै भारतको सीतामढी र त्यहाँबाट सर्लाहीको विष्णु गाउँपालिका–५ स्थित नेपाल भारतको सीमाबाटै सिरहा प्रहरीले मुखियालाई वालकसँगै पक्राऊ गरेको बताएका छ्न।

बालकलाई सकुसल उद्दार गरी परिवारको जिम्मा लगाएको छ भने घट्नामा संलग्न अपहरणकारीलाई जिल्ला अदालत सिरहाबाट म्याद थप गरी घट्ना बारे थप अनुसन्धान भइरहेको जिल्ला प्रहरी कार्यालय सिरहाले बताएका छन।

कमेन्ट गर्नुहोस्
सम्बन्धित

बारा । बारा जिल्लामा नेपाल–भारत सिमानास्थित दशगजा क्षेत्रबाट हत्या गरिएको अवस्थामा एक पूर्वसशस्त्र प्रहरी जवानको शव भेटिएको प्रहरीले जनाएको छ । पचरौता नगरपालिका–१ पचरौता गाउँको दक्षिणतिर दशगजा क्षेत्रमा आइतबार मध्यराति साढे १२ बजेको समयमा धारिलो हतियार प्रहार गरी हत्या गरेर फालिएको अवस्थामा आज बिहानै स्थानीयवासीले ३४ वर्षीय अमरेशकुमार सिंहको शव देखेर प्रहरीलाई खबर गरेको थियो […]

सिरहा । नेपाल प्रहरीको नारा छ – मुस्कानसहितको सेवा । तर, व्यवहारमा भने यो लागू भएको पाइँदैन । अन्यायमा परेका नागरिक प्रहरीमा पुग्छन् । प्रहरीले भने ढाँडस दिएर र नम्र व्यवहार गरेर सेवाग्राहीलाई आत्मबल दिनुको साटो प्रहरीले रुखो व्यवहार गर्ने, थर्काउने अनि पीडितलाई झन् पीडित बनाउने गरेको पाइन्छ । सेवाग्राहीसँग यस्तै हर्कत गर्छन् जिल्ला प्रहरी […]

काठमाडौं । प्रतिनिधि सभामा ४ सीट रहेको मधेश केन्द्रित दल लोकतान्त्रिक समाजवादी पार्टीमा शीर्ष नेताहरुले पदाधिकारीमा आफ्नै परिवार र नातागोताहरुलाई भागवण्डा लगाएका छन् । सोमबार पुनगर्ठित केन्द्रीय समितिको वरिष्ठ उपाध्यक्षमा अध्यक्ष महन्थ ठाकुरका सम्धि उमाकान्त झा र उपाध्यक्षमा सम्धिनी इन्द्र झा मनोनीत भएका छन् । ठाकुरले एकमात्र छोरी मिनाक्षीलाई सदस्य बनाएका छन् । अध्यक्ष ठाकुरले […]