काठमाडौ ।डा सीके राउत नेतृत्वको मधेश स्वराज आन्दोलनका प्रथम सहिद राममनोहर यादवको श्रद्धाञ्जली सभा काठमाडौंसहित मधेशका विभिन्न जिल्लामा सम्पन्न भएको छ।
गत वर्ष भदौ १५ गते प्रहरी हिरासतमा मारिएका यादवको सम्झनामा आइतबार जनमत पार्टीले सहिद राममनिहर यादवको सम्मान तथा सम्झना विभिन्न कार्यक्रम गरिएको छ।
सिरहाको गोलबजारमा जनमत पार्टीका केन्द्रिय सदस्य राजकुमार यादवको नेतृत्वमा ८२ जना रक्तदान गरि श्रद्धाञ्जली कार्यक्रम मनाएको यादवे बताए।
त्यसैगरी काठमाडौँको माइतीघर मण्डलामा विद्यार्थी जनमत संघले श्रद्धाञ्जली सभा सम्पन्न भएको विद्यार्थी नेता विकाश प्रसाद लोधले जानकारी दिएको छ।
लोधका अनुसार कार्यक्रममा पार्टीका केन्द्रिय सदस्य बबिता इसर,चन्दन सिंह,ई.दिपक साह,ई.राजदेव खर्गा,युवा नेता राजेन्द्र यादव,पि एम माझी ,मन्टु चौधरी ,विद्यार्थी नेता पोषण यादव,नवरत्न यादव लगाइतका नेता तथा कार्यकर्ताहरु उपस्थित रहेको उनले बताए।
त्यसैगरि धनुषा ,महोत्तरी ,सर्लाही ,रौतहट ,बारा,पर्सा ,बाके ,सप्तरी ,सुनसरी ,झापा,मोरङ ,नवलपरासी लगाइत मधेशका सबै जिल्ला सदरमुकामहरूमा श्रद्धाञ्जली सभा सफलता पुर्वक सम्पन्न भएको पार्टीका संस्थापक तथा केन्द्रिय सदस्य सत्यनारायण मण्डलले बताए।
