काठमाडौं । डा. सिके राउत नेतृत्वको जनमत पार्टीको राष्ट्रिय परिषदको बैठक बसेको छ । बुद्धनगरको क्वालिटि ब्याङ्केटमा परिषद्को बैठक चलिरहेको हो ।
मिसन ८४ अन्तर्गत बोलाएको बैठकमा पार्टी अध्यक्ष राउतले प्रशिक्षण दिने र नेताहरुबाट राय सुझाव लिइने बताइएको छ । मिसन ८४ अन्तर्गत जनमत पार्टीले विभिन्न तहमा छलफल तथा प्रशिक्षण चलाइरहेको छ ।
वडा तहदेखि प्रशिक्षण सुरु गरेको सो पार्टीले जिल्ला इन्चार्ज, प्रतिनिधिसभा तथा प्रदेशसभा, मधेश प्रदेश समितिको प्रशिक्षण सम्पन्न गरिसकेको छ । बिहीबार केन्द्रीय समितिको बैठक बोलाइएको छ ।
राष्ट्रिय परिषदको बैठकमा केन्द्रीय समिति बैठकमा प्रशिक्षण दिनुका साथै नयाँ केन्द्रीय सदस्यहरुको परिचयात्मक कार्यक्रम हुने जनमत पार्टीले जनाए ।
